Եվրոպական խորհրդի նախագահ. Ադրբեջանը մեզ համար կարևոր գործընկեր է

Եվրոպական խորհրդի նախագահ Անտոնիո Կոշտան հանդիպել է Ադրբեջանի նախագահ Իլհամ Ալիևի հետ։

Այս մասին հաղորդում է Caliber.Az-ը՝ հղում անելով Կոշտայի Х սոցիալական ցանցի էջին։

We had a very constructive discussion with @presidentaz today.

We congratulated Azerbaijan on the recent historic breakthrough achieved with Armenia in Washington with the support of @POTUS Trump.

It's a major step toward lasting peace in the region.

We value Azerbaijan as an… pic.twitter.com/UYwjfodOU7

— António Costa (@eucopresident) October 2, 2025

«Այսօր մենք շատ կառուցողական զրույց ունեցանք Ադրբեջանի նախագահ Իլհամ Ալիևի հետ։

Մենք շնորհավորեցինք Ադրբեջանին Հայաստանի հետ հարաբերություններում վերջերս գրանցված պատմական առաջընթացի կապակցությամբ, որը ձեռք բերվեց Վաշինգտոնում՝ ԱՄՆ նախագահ Դոնալդ Թրամփի աջակցությամբ։

Սա կարևոր քայլ է տարածաշրջանում կայուն խաղաղության հասնելու ուղղությամբ։

Ադրբեջանը մեզ համար կարևոր գործընկեր է, և մենք շարունակում ենք հանձնառու լինել մեր կապերի ամրապնդմանը։

Մեր Global Gateway ռազմավարության շրջանակներում մենք կշարունակենք ներդրումներ կատարել տարածաշրջանային փոխկապակցվածության զարգացման գործում՝ տրանսպորտի, էներգետիկայի և թվային տեխնոլոգիաների ոլորտներում», - գրել է Կոշտան։