Կոբախիձե. Մենք ուրախ ենք, որ գերազանց հարաբերություններ ունենք Ադրբեջանի հետ

Վրաստանը պետք է զարգացնի հարաբերությունները Ադրբեջանի հետ։

Ինչպես հաղորդում է Caliber.Az-ը, այս մասին Կոպենհագենում ադրբեջանցի լրագրողներին ասել է Վրաստանի վարչապետ Իրակլի Կոբախիձեն։

«Մենք ուրախ ենք, որ գերազանց հարաբերություններ ունենք մեր հարևանների, այդ թվում՝ Ադրբեջանի հետ։ Սա այն է, ինչ մենք պետք է պահպանենք և զարգացնենք։ Ռազմավարական գործընկերությունը և գերազանց հարաբերությունները չափազանց կարևոր են», - նշել է նա։

Վարչապետի խոսքով՝ նա նաև «գերազանց բանակցություններ» է վարել իր գործընկերների հետ Կոպենհագենում կայացած հանդիպման շրջանակներում։

«Մենք կանենք հնարավոր ամեն ինչ մեր տարածաշրջանում խաղաղության գործընթացի առաջխաղացման համար։ Ահա թե ինչպես ենք մենք տեսնում մեր առաքելությունը Հարավային Կովկասում», - ընդգծել է Կոբախիձեն։