«T-260B» ինքնաթիռի վթար. Զաքիր Հասանովը ցավակցություն է հայտնել իր իտալացի գործընկերոջը

Ադրբեջանի պաշտպանության նախարար, գեներալ-գնդապետ Զաքիր Հասանովը՝ ցավակցություն է հայտնել իր իտալացի գործընկեր Գվիդո Կրոզետտոյին։
 
Ինչպես հայտնում է Caliber.Az-ը՝ նախարարության կայքին հղումով, Զաքիր  Հասանովի ուղերձում ասվում է. «Խորապես վշտացած եմ Լացիո մարզի Չիրչեո ազգային պարկի մոտ ուսումնական թռիչքի ժամանակ Իտալիայի ռազմաօդային ուժերի 70-րդ ավիացիոն գնդին պատկանող «T-260B ինքնաթիռի» վթարի հետևանքով երկու զինծառայողների զոհվելու լուրից։ Կիսում եմ զոհվածների հարազատների և մերձավորների վիշտն ու թախիծը, խորին ցավակցություն եմ հայտնում նրանց»։