COP30 նախագահ. մենք կօգտվենք Բաքվի փորձից

COP30-ի նախագահ, բրազիլացի դիվանագետ Անդրե Կոռեա դու Լագոն հայտարարել է, որ առաջիկա համաժողովի հյուրերին Բրազիլիայում կցուցաբերվի նույն հյուրընկալությունը, ինչ Ադրբեջանում COP29-ի ժամանակ։

Ինչպես փոխանցում է Caliber.Az-ը՝ նա նշել է, որ Բրազիլիան մշտական կապ է պահպանում Ադրբեջանի հետ, որը անցյալ տարի հյուրընկալել էր COP29-ը:

Լագոյի խոսքով՝ ադրբեջանական կողմին հաջողվել է լուծել կլիմայական դիվանագիտության պատմության ամենաբարդ և տեխնիկական հարցերից մեկը.

«Ամենակարևոր նվաճումները 6-րդ հոդվածի փակումն էր, որին տարիներ շարունակ սպասում էին, և COP29-ի կլիմայական բյուջեի վերաբերյալ առանցքային որոշումը՝ զարգացող երկրների համար ֆինանսավորման ավելացումը և նոր մեխանիզմի ստեղծումը։ Ադրբեջանի նախագահությունը հայտարարեց Փարիզի համաձայնագրի 6-րդ հոդվածի շրջանակներում բարձրորակ ածխածնի շուկաների վերաբերյալ տասը տարի շարունակված բանակցությունների ավարտի մասին։ Սա ամենաբարդ և տեխնիկական հարցերից մեկն էր, և այն լուծվեց։ Մենք կօգտվենք Բաքվի փորձից»։