Ադրբեջանի խորհրդարանը վավերացրել է մի շարք միջազգային համաձայնագրեր, հուշագրեր և կոնվենցիաներ

Ադրբեջանի Միլլի Մեջլիսը՝ աշնանային նստաշրջանի այսօրվա լիագումար նիստում վավերացրել է մի շարք միջազգային համաձայնագրեր, փոխըմբռնման հուշագրեր և կոնվենցիաներ։
 
«Report»-ի փոխանցմամբ, ընդունված փաստաթղթերի թվում է եղել՝ օզոնային շերտը քայքայող նյութերի մասին Մոնրեալի արձանագրության 2016 թվականի հոկտեմբերի 15-ի Կիգալիի փոփոխությունը։
 
Հաստատվել են նաև «Ադրբեջանի Հանրապետության կառավարության՝ ներկայացված թվային զարգացման և տրանսպորտի նախարարության կողմից, և Էլեկտրակապի միջազգային միության միջև՝ Հեռահաղորդակցության զարգացման համաշխարհային համաժողովի (WTDC-25) անցկացման, կազմակերպման և ֆինանսավորման վերաբերյալ համաձայնագիրը և Ադրբեջանի Հանրապետության կառավարության՝ ներկայացված  տնտեսության նախարարության կողմից, և Իսլամական զարգացման բանկի խմբի միջև փոխըմբռնման հուշագիրը՝ 2026 թվականին նախատեսված IDB խմբի տարեկան  ժողովի համար Ադրբեջանի Հանրապետության կառավարության (ընդունող երկիր) երաշխիքների վերաբերյալ։
 
Լիագումար նիստում ընդունվել են  նաև «Դաբաղի հիվանդության  վերահսկման Եվրոպական հանձնաժողովի կանոնադրությանը միանալու մասին» և «Միջազգային առևտրում որոշակի վտանգավոր քիմիական նյութերի և թունաքիմիկատների նախնական տեղեկացված համաձայնության ընթացակարգի մասին Ռոտերդամի կոնվենցիային միանալու մասին» օրինագծերը։