Ադրբեջանը ՁԻԱՀ-ի ցածր տարածվածություն ունեցող երկրների շարքում է

Մարտի 14-ին Ադրբեջանի Հանրապետության վարչապետ Ալի Ասադովը հանդիպել է Միավորված ազգերի կազմակերպության ՄԻԱՎ/ՁԻԱՀ-ի (UNAIDS) ծրագրի գործադիր տնօրեն Վինի Բյանյիմայի հետ։

Ինչպես հաղորդում է Caliber.Az-ը, հանդիպմանն ընդգծվել է, որ Ադրբեջանը սերտորեն համագործակցում է ՄԱԿ-ի տարբեր հաստատությունների, այդ թվում՝ UNAIDS-ի հետ, և աջակցում նրանց գործունեությանը։

Նշվել է, որ ՄԻԱՎ/ՁԻԱՀ-ի դեմ պայքարը Ադրբեջանի առողջապահության ազգային ռազմավարության հիմնական ուղղություններից է։ Ձեռնարկված միջոցառումների արդյունքում Ադրբեջանը ՁԻԱՀ-ի տարածվածության ցածր մակարդակ ունեցող երկրների շարքում է։

Հանդիպմանը մասնակցել է նաև Ադրբեջանի առողջապահության նախարար Թեյմուր Մուսաևը։