Ադրբեջանի առողջապահության նախարարը կոչով դիմել է աշխարհին

Ադրբեջանի առողջապահության նախարար Թեյմուր Մուսաևն աշխարհի երկրներին կոչ է արել ավելի մատչելի դարձնել առողջապահությունը։

Ինչպես հաղորդում է Caliber.Az-ը, այս մասին Ադրբեջանի առողջապահության նախարար Թեյմուր Մուսաևը ասել է «Առողջապահության նոր գլոբալ կառուցվածքի կառուցումը. առաջընթաց, ապահովում, պաշտպանում, առողջության ամրապնդում և գործողություններ այս ուղղությամբ» թեմայով պանելային նիստում:

Մուսաևը նշել է ազգային մակարդակով առողջապահական համակարգի ստեղծման կարևորությունը։

Նրա խոսքով, առողջապահության ոլորտի մասնագետները շեշտում են, որ մարդիկ պետք է կենտրոնանան առողջ ապրելակերպի վրա. «Դա ամրագրված է նաև Ադրբեջանի նախագահի կողմից հաստատված ռազմավարության մեջ։ Անհատական ապրելակերպի և առողջապահական համակարգի միջև պետք է կապ լինի»։