Ադրբեջանում առաջարկվում է ավելացնել պատերազմի վետերանների նպաստները

Ադրբեջանում առաջարկվում է պատերազմի վետերաններին տրամադրվող նպաստը 80 մանաթից հասցնել 130 մանաթի։

Caliber.Az-ը հայտնում է, որ Միլլի Մեջլիսի այսօրվա նիստում նման առաջարկով հանդես է եկել պատգամավոր Սիյավուշ Նովրուզովը։

Նրա խոսքով, պատերազմից հետո կոմունալ ծառայությունների սակագներում որոշակի փոփոխություններ են եղել. «Երկրում կա Ղարաբաղյան առաջին և երկրորդ պատերազմների ավելի քան 80 հազար վետերան։ Նրանք ստանում են մոտ 80 մանաթի նպաստ։ Այդ գումարի ավելացման հետ կապված պետք է բանակցություններ վարվեն համապատասխան պետական կառույցների հետ։ Նպաստի չափը պետք է ավելանա առնվազն 50-70 մանաթով։ Պատերազմի վետերաններին տրամադրվող նպաստները ծախսվում են կոմունալ վճարումները վճարելու համար, սակայն այդ անպաստների տրամադրումից հետո, կոմունալ ծառայությունների սակագները փոխվել են: 80 մանաթը չի բավականեցնում այս ծախսերը հոգալու համար»։