Ադրբեջանում առաջին անգամ կինը ընտրվել է Ամերիկայի առևտրի պալատի նախագահ ԼՈՒՍԱՆԿԱՐ

Ադրբեջանում անցկացվել են Ամերիկյան առևտրի պալատի («AmCham Azerbaijan») տնօրենների խորհրդի և նախագահի պաշտոնի ընտրություններ։

Այս մասին Caliber.Az-ին հայտնել են պալատից։

Տեղեկությունների համաձայն՝ Նազրին Նասրուլլաևա-Մուդուրօղլուն դարձել է Ադրբեջանում Ամերիկյան առևտրի պալատի առաջին կին նախագահը։

Նա Հարվարդի Քենեդու անվան կառավարման դպրոցի շրջանավարտ է և ունի 25 տարվա աշխատանքային փորձ՝ պետական և մասնավոր հատվածներում: Նասրուլլաևա-Մուդուրօղլուն, ով ներկայումս Պետական նավթային հիմնադրամի գործադիր տնօրենի խորհրդականն է, նախկինում 11 տարի աշխատել է որպես Ադրբեջանում Ամերիկյան առևտրի պալատի գործադիր տնօրեն: Նրա օրոք Պալատի անդամ ընկերությունների թիվը 90-ից հասել է 300-ի։