Բաքուն և Թեհրանը քննարկել են Աստարայի տերմինալի շինարարության ընթացքը

Ադրբեջանի և Իրանի ներկայացուցիչները բանակցություններ են վարել՝ Աստարայի տերմինալի շինարարության ընթացքի վերաբերյալ։
 
Այս մասին Caliber.Az-ին հայտնել են «Ադրբեջանական երկաթուղիներ» (ԱՀ) ՓԲԸ-ից:
 
Քննարկումները տեղի են ունեցել՝ ԱԵ-ի նախագահ Ռովշան Ռուստամովի Իրան այցի ընթացքում, որտեղ նա Աստարայի տերմինալի տարածքում հանդիպել է՝ Իրանի երկաթուղիների ղեկավար Ջաբար Ալի Զաքերիի հետ։
 
Հանդիպման ընթացքում կողմերը մանրամասն քննարկել են՝ տերմինալի զարգացման հիմնական փուլերը, նախագծի իրականացման ժամկետները և մինչև տարեվերջ բոլոր շինարարական աշխատանքներն ավարտելու հնարավորությունը։
 
Նշվել է, որ օբյեկտում, որը «Հյուսիս-Հարավ» միջազգային տրանսպորտային միջանցքի հիմնական տարրերից մեկն է, արդեն իրականացվել են զգալի ծավալի աշխատանքներ։ Ներկայումս նախագծային աշխատանքներն ավարտված են 90%-ով, իսկ շինարարական և մոնտաժային աշխատանքները՝ մոտավորապես 75%-ով։
Աստարայի տերմինալի կառուցման և շահագործման վերաբերյալ համագործակցության ռազմավարական ծրագիրը, որը ԱԵ-ի և Իրանի երկաթուղիների միջև ստորագրվել է 2025 թվականի սկզբին, լրացուցիչ խթան կհաղորդի՝ բոլոր նախատեսված աշխատանքների ժամանակին ավարտին, ընդգծել են  ԱԵ-ում։