Իսաևը՝ Ադրբեջանից շինանյութերի արտահանման աճի մասին

2025 թվականին Ադրբեջանից շինանյութերի արտահանման արժեքը կարող է գերազանցել նախորդ տարվա ցուցանիշը՝ ավելի քան 20%-ով։
 
Այս մասին հայտարարել է Ադրբեջանի շինանյութերի արտադրողների ասոցիացիայի նախագահ Ռամիզ Իսաևը։
 
Նրա խոսքով՝ աճը կապված է  ոլորտի դինամիկ զարգացման և արտադրանքի նկատմամբ աճող պահանջարկի հետ։
 
Հիմնական պահանջարկը նկատվում է՝ բետոնի, ցեմենտի, ամրանների, ջերմամեկուսիչ նյութերի, աղյուսի, սալիկների և մետաղական կոնստրուկցիաների վրա։ Պահանջարկի մեծ մասը պայմանավորված է երկրի ներսում իրականացվող խոշոր ենթակառուցվածքային նախագծերով, այդ թվում՝ «Մեծ վերադարձ» ծրագրով, ինչպես նաև Վրաստանից և Կենտրոնական Ասիայի երկրներից ստացված պատվերներով։
 
Իսաևի խոսքով՝ 2023 թվականին արտահանումը կազմել է մոտ 60 միլիոն դոլար, 2024 թվականին՝ 68,5 միլիոն դոլար, ինչը 14,2%-ով ավելի է։