Ադրբեջանն ու Պակիստանը ամրապնդում են երկաթուղային համագործակցությունը

«Ադրբեջանական երկաթուղիներ» ՓԲԸ-ի (AZCON Holding ընկերություններից մեկը) ղեկավարությունը տեսակոնֆերանս է անցկացրել՝ Պակիստանի երկաթուղիների նախագահ Սեյեդ Մազար Ալի Շահի հետ։
 
Ինչպես Caliber.Az-ին հայտնել են ՓԲԸ-ի մամուլի ծառայությունից, հանդիպման ընթացքում քննարկվել են՝ բեռնափոխադրումների ծավալների ավելացման, նավահանգիստների ինտեգրման, համատեղ ներդրումային նախագծերի, ինչպես նաև Արևելք-Արևմուտք հաղորդակցության շրջանակներում Ադրբեջանով և Պակիստանով անցնող տրանսպորտային ուղիների համագործակցության հնարավորությունները։
 
Կողմերը ընդգծել են՝ Հարավային Ասիա-Կովկաս-Եվրոպա երթուղու տարբեր ուղղությունների փոխադարձ առևտրի համար օգտագործման հնարավորությունը։ Աջակցություն է հայտնվել նաև մայրցամաքները միացնող՝ Չինաստանով, Պակիստանով, Աֆղանստանով, Թուրքմենստանով և Ադրբեջանով անցնող բազմամոդալ տրանսպորտային միջանցքի զարգացմանը:
Երկկողմ հարաբերությունների համատեքստում մտքերի փոխանակում է տեղի ունեցել՝ բեռնափոխադրումների ոլորտում գործընկերային փորձնական նախագծերի մշակման, մասնավորապես՝ Պակիստան-Ադրբեջան Express և Պակիստան-Իրան-Ադրբեջան նախագծերի, ինչպես նաև Պակիստանի Գվադար նավահանգստի օգտագործման ներուժի և Միջին միջանցքի կարևորության վերաբերյալ։