ԱՀԿ-ին Ադրբեջանի անդամակցության շուրջ հերթական բանակցություններ կանցկացվեն

Այս տարի հերթական բանակցությունները կանցկացվեն՝ Առևտրի համաշխարհային կազմակերպությանը (ԱՀԿ) Ադրբեջանի անդամակցության շուրջ։

Caliber.Az-ի փոխանցմամբ, այս մասին ասված է՝ «Բիզնես միջավայրն Ադրբեջանում 2021» զեկույցում, որը պատրաստվել է Եվրամիության (ԵՄ) ֆինանսական աջակցությամբ։

ԱՀԿ-ի սկզբունքներն ու կանոնները ներառված են նոր ընդունված առևտրային օրենսդրության մեջ և ներքին կարգավորող բազայում: Անցյալ տարի Ադրբեջանի կառավարության տրամադրած տեղեկատվության համաձայն՝ աշխատանքային խմբի զեկույցի նոր տարբերակը հրապարակվել է 2021 թվականի հուլիսին։ ԵՄ-ն նաև շարունակել է աջակցել Ադրբեջանի կառավարությանը՝ առևտրային բանակցությունների նախապատրաստման և ներքին բարեփոխումների օրակարգի իրականացման գործում: