Բաքվում «Հիշողության մոմ» ակցիա է անցկացվել

Չորեքշաբթի երեկոյան Ադրբեջանի մայրաքաղաքում «Հիշողության մոմ» խորագրով ակցիա է անցկացվել։ Ակցիայի մասնակիցները՝ «Անմահ գունդ» հասարակական շարժման ակտիվիստները և Ադրբեջանում «Հաղթանակի կամավորներ» միջազգային թիմի անդամները, հավաքվել են Բաքվի Յասամալի շրջանում գտնվող հուղարկավորված զինվորների հուշահամալիրի մոտ, որտեղ թաղված են՝ Հայրենական մեծ պատերազմի տարիներին Բաքվի հիվանդանոցներում վերքերից մահացած զինվորներն ու սպաները։

ՏԱՍՍ-ի փոխանցմամբ՝ Հիշատակի և վշտի օրվա նախօրեին նրանք հարյուրավոր մոմեր են վառել հերոս մարտիկների հուշահամալիրի դիմաց՝ դրանց հետ դնելով «Ադրբեջանը հիշում է» մակագրությունը։

Ադրբեջանում «Անմահ գնդի» համակարգող Վիկտորյա Կաբանաձեն նշել է, որ հունիսի 22-ին կամավորները՝ «Պատերազմի կրակոտ նկարներ» խորագրով ակցիա են անցկացնելու Բաքվի Սաբունչիի շրջանում գտնվող հուղարկավորված զինվորների հուշահամալիրում: «Ակցիան կանցկացվի շրջանի աշխատակազմի և Ադրբեջանում Ռուսաստանի դեսպանատան աջակցությամբ։ Ակցիայի մասնակիցները մոմերից կստեղծեն նավթային աշտարակ և հնգաթև աստղ, որը կխորհրդանշի Բաքվի նավթագործների հսկայական ներդրումը՝ Հայրենական մեծ պատերազմում հաղթանակի գործում»,- ասել է նա։