Բրիտանական BBC հեռուստաալիքը հաղորդում է պատրաստել Ադրբեջանի մասին

Բրիտանական BBC հեռուստաալիքը հերթական հաղորդումն է պատրաստել «Ադրբեջանի հրաշալիքները» ցիկլից։

Ինչպես հայտնում է Caliber.Az-ը, «Մետաքսի ճանապարհ» վերնագրված սյուժեում պատմվում է պատմաբան Բեթանի Հյուզի Գոբուստան և Շեքի կատարած այցի մասին։

Ճանապարհորդը հանդիսատեսին պատմում է Գոբուստանի անսովոր ժայռապատկերների մասին, որոնք 40 000 տարեկան են։ Այնուհետև նա մեկնում է դեպի հյուսիս՝ Շեքի քաղաք, որը կարևոր կանգառ էր հնագույն Մետաքսի ճանապարհով շարժվող վաճառականների համար: Այնտեղ նա հանդիպում է ջուլհակների, որոնք մինչ օրս մետաքս են արտադրում ավանդական եղանակով։ Բեթանին նաև ուսումնասիրում է Շեքիի խաների պալատը։

Նշենք, որ հաղորդման ցուցադրումը նախատեսված է օգոստոսի 20-ին։