Զաքիր Հասանովը հանդիպել է «Բայքարի» տեխնիկական տնօրենի հետ

Ապրիլի 3-ին պաշտպանության նախարար Զաքիր Հասանովը հանդիպել է՝ այցով մեր երկրում գտնվող թուրքական «Բայքար» ընկերության տեխնիկական տնօրեն Սելջուկ Բայրաքթարի հետ։

Պաշտպանության նախարարությունից Caliber.Az-ին հայտնել են, որ հանդիպմանը Զ.Հասանովը նշել է, որ Ադրբեջանի և Թուրքիայի միջև ռազմական համագործակցությունը հիմնված է՝ բարեկամական և եղբայրական կապերի վրա և ընդգծել, որ այդ կապերն օրեցօր զարգանում և ամրապնդվում են։ Հատկապես ընդգծվել է, որ Ադրբեջանի և Թուրքիայի նախագահների բարեկամական հարաբերությունները կարևոր դեր են խաղում երկու պետությունների միջև կապերի զարգացման գործում։

Ս.Բայրաքթարը գոհունակություն է հայտնել Ադրբեջան կատարած այցի կապակցությամբ և նշել, որ նման հանդիպումները մեծ նշանակություն ունեն փոխադարձ համագործակցության ընդլայնման տեսանկյունից։

Հանդիպմանը քննարկվել են՝ Ադրբեջանի և Թուրքիայի միջև ռազմատեխնիկական համագործակցության զարգացման ներկա վիճակը և հեռանկարները։

Հանդիպման ավարտին Զ.Հասանովը Ս.Բայրաքթարին պարգևատրել է՝ «Ռազմական համագործակցության բնագավառում ունեցած վաստակի համար» մեդալով։