«Իմ դուստրը վախեցել է աստղերից՝ կարծելով, թե դրանք հրթիռներ են» Բաքվի դատարանում տուժողը պատմել է հայերի վայրագությունների մասին

Բաքվի ռազմական դատարանում այսօր շարունակվպղ դատավարության ժամանակ ցուցմունք է տվել տուժող Շահլա Թալըբովան։

 
AZERTAC-ի փոխանցմամբ՝ Թալըբովան ասել է, որ 1988 թվականին նրան արտաքսել են Հայաստանից, բնակություն է հաստատել Շուշայի շրջանում, ապա տեղափոխվել է Խոջալու, քանի որ իր ամուսինը այնտեղ էր աշխատում։ Տուժողի խոսքով՝ երբ ադրբեջանցիների վրա ճնշում է գործադրվել, նրանց ավտոբուսի վրա քար են նետել, որի արդյունքում իր 10 օրական երեխայի աչքը վնասվել է ապակու բեկորից։
 
Շահլա Թալիբովան ասել է, որ 1992 թվականի փետրվարի 25-ի լույս 26-ի գիշերը, Խոջալուի ցեղասպանության ժամանակ, նրանց հաջողվել է փախչել անտառ, որտեղ մնացել են երկու օր, ապա կարողացել են հասնել Աղդամ։ Ցեղասպանության ժամանակ իր սկեսուրն ու սկեսրայրը 7 օր պատանդ են պահվել։ Այլ ազգականները նույնպես պատանդ են վերցվել, որոնցից մի քանիսը անհետ կորել են։
 
«Իմ երեխաները ծանր վիրավորվել էին։ Դուստրս վախեցել էր աստղերից՝ կարծելով, որ դրանք հրթիռներ են։ Երբ նա տեսավ աստղեր երկնքում, ասաց. «Մայրիկ, նրանք հրթիռ են արձակում, գնանք...», - պատմել է  տուժողը։