Ադրբեջանի ԱԳՆ-ն շնորհավորել է Թուրքիային՝ Ժողովրդավարության և ազգային միասնության օրվա կապակցությամբ

Ադրբեջանի արտաքին գործերի նախարարությունը կիսվել է հրապարակմամբ՝ Թուրքիայում այսօր նշվող Ժողովրդավարության և ազգային միասնության օրվա կապակցությամբ:
 
Ինչպես հաղորդում է Caliber.Az-ը, գերատեսչության X սոցիալական ցանցում հրապարակման մեջ ասվում է. «2016 թվականի հուլիսի 15-ը փառահեղ ամսաթիվ է, երբ եղբայրական թուրք ժողովուրդը վճռականորեն ոտքի կանգնեց՝ պաշտպանելու իր պետականությունը: Մենք խորին երախտագիտությամբ հարգում ենք՝ պետական հեղաշրջման փորձը կանխելու ժամանակ զոհվածների հիշատակը: Հերոսական թուրք ժողովրդի միասնության և կամքի շնորհիվ գրված էպոսը  ներդրում է՝ խաղաղության, կայունության և ընդհանուր արժեքների պաշտպանության գործում»: