Թուրքիայի խորհրդարանի բյուրոյի քարտուղար. Մենք միշտ լինելու ենք Ադրբեջանի կողքին

«Թուրքիան միշտ լինելու է Ադրբեջանի կողքին, սա անփոփոխ պետական քաղաքականություն է»:

Ինչպես հաղորդում է Caliber.Az-ը, այս մասին մայիսի 16-ին հայտարարել է Թուրքիայի Ազգային Մեծ Ժողովի բյուրոյի քարտուղար Բայրամ Օզչելիքը՝ մեծ առաջնորդ Հեյդար Ալիևի ծննդյան 100-ամյակի կապակցությամբ հրավիրված Միլլի Մեջլիսի հատուկ նիստում։

Նրա խոսքով, Ադրբեջանի և Թուրքիայի միջև պահպանվում է անսասան համերաշխություն. «Երկրաշարժի ժամանակ առաջինը օգնության հասան հենց ադրբեջանական պետությունը և ժողովուրդը։ Մենք սա երբեք չենք մոռանա»:

Օզչելիքը նշել է, որ առանց Հեյդար Ալիևի այդ ժամանակաշրջանը դժվար կլիներ տարածաշրջանի երկրների համար. «Մեծ առաջնորդը կարևոր գործիչ էր ոչ միայն Ադրբեջանի, այլև Թուրքիայի համար։ Այսօր Թուրքիայի տարբեր քաղաքներում կան նրա անունով փողոցներ ու դպրոցներ։ Սա Հեյդար Ալիևի նկատմամբ հարգանքի վառ օրինակ է։ Թուրքիան միշտ կլինի Ադրբեջանի կողքին: Սա անփոփոխ պետական քաղաքականություն է»։