Ինդոնեզիայի դեսպան. Մենք միշտ աջակցում ենք Ադրբեջանին միջազգային ասպարեզում

Ադրբեջանն ու Ինդոնեզիան միշտ աջակցում են միմյանց միջազգային ասպարեզում, տարբեր կազմակերպությունների շրջանակներում։

Այս մասին Caliber.Az-ին հայտնել է Ադրբեջանում Ինդոնեզիայի դեսպան Հիլդի Համիդը։

«Միջազգային կազմակերպություններում, երբ քննարկվում էր Ադրբեջանի նախագահության հարցը, Ինդոնեզիան միշտ աջակցել է այդ նախաձեռնություններին, և Ադրբեջանը նույնն է արել»,- ասել է դեսպանը։

Նա հիշեցրել է, որ այս տարի լրանում է Ադրբեջանի և Ինդոնեզիայի միջև դիվանագիտական հարաբերությունների հաստատման 30-ամյակը։ «Այս առիթով մենք ծրագրում ենք մշակութային միջոցառում կազմակերպել Բաքվի Շատրվանների հրապարակում՝ մայրաքաղաքի բնակիչներին Ինդոնեզիայի մշակույթին ծանոթացնելու նպատակով։ Մենք աշխատում ենք, որպեսզի ադրբեջանցիներն ավելի շատ տեղեկատվություն ունենան մեր երկրի մասին, մենք ուզում ենք նաև, որպեսզի Ինդոնեզիայում մեր ժողովուրդն ավելի շատ իմանա Ադրբեջանի մասին»,- նշել է դիվանագետը: