AnewZ. ԱՄՆ-ը Բաքվին առաջարկել է միանալ Գազայում կայունացման առաքելությանը

Հավաստի աղբյուրները AnewZ-ին հայտնել են, որ ԱՄՆ-ը Ադրբեջանին առաջարկել է միանալ Գազայում կայունացման ուժերին՝ միջազգային առաքելությանը, որը կոչված է՝ ռազմական գործողությունների դադարեցումից և մարդասիրական օգնության ընդլայնումից հետո տարածքում անվտանգությունն ապահովելու համար։
 
Ինչպես հայտնում է Caliber.Az-ը, AnewZ հեռուստաալիքի կողմից ստացված տեղեկատվության համաձայն՝ Բաքուն դեռևս վերջնական որոշում չի կայացրել։ Ադրբեջանի դիրքորոշումը մնում է անփոփոխ. ցանկացած մասնակցությունը պետք է հիմնված լինի ՄԱԿ-ի Անվտանգության խորհրդի բանաձևի վրա, որը ապահովում է միջազգային լեգիտիմություն և սահմանում է հստակ մանդատ։
 
Այս առաքելությունը չի հանդիսանում ՄԱԿ-ի դասական խաղաղապահ գործողություն։ Այն մտահաղացվում է որպես բազմազգ կայունացման ուժ, նմանապես Բալկանյան հակամարտություններից հետո ստեղծված խաղաղապահ կառույցներին՝ նախատեսված է հիմնական օբյեկտների անվտանգության ապահովման, մարդասիրական օգնություն հասցնելու և քաղաքական կառույցների ձևավորման ժամանակահատվածում զինված հակամարտության վերսկսումը կանխելու համար։
 
Միջազգային կայունացման ուժերը՝ ԱՄՆ-ի աջակցությամբ առաջարկվող բազմազգ առաքելություն է, որի խնդիրն է հանդիսանում անվտանգության պահպանումը, մարդասիրական օգնության ցուցաբերմանը նպաստելը և ռազմական գործողությունների դադարեցումից հետո Գազայի վերակառուցման վերահսկումը։ Նախաձեռնությունը ուղղված է բռնությունը կանխելուն,  կարևորագույն ենթակառուցվածքների վերականգնմանը նպաստելուն և կայուն կառավարման անցմանը աջակցելուն։ 
 
Ակնկալվում է, որ ԱՄՆ-ը իր զորքեր չի ուղարկի։ Դրա փոխարեն Վաշինգտոնը նպատակադրված է վստահելի տարածաշրջանային և միջազգային գործընկերներից կոալիցիա ստեղծելուն, ընդ որում Ադրբեջանը դիտարկվում է որպես հուսալի մասնակից, որը կարող է ապահովել ինչպես դիվանագիտական հավասարակշռություն, այնպես  էլ փորձ ռազմավարական խաղաղության ջանքերում։
 
Իսրայելական լրատվամիջոցները հաղորդում են, որ այս հայեցակարգը վերջերս քննարկվել է ԱՄՆ-ի փոխնախագահ Ջ.Դ. Վենսի և Իսրայելի վարչապետ Բենիամին Նեթանյահուի միջև, քանի որ Վաշինգտոնը և նրա գործընկերները ուսումնասիրում են Գազայում հետպատերազմյան անվտանգության համակարգի տարբերակները։
 
Գազայի նկատմամբ Ադրբեջանի մոտեցումը մնում է անփոփոխ։ Բաքուն համակարգում է իր գործողությունները Իսլամական համագործակցության կազմակերպության, Արաբական պետությունների լիգայի և ավելի լայն իսլամական աշխարհի հետ՝ ընդգծելով, որ արաբական պետությունները նախ պետք է մշակեն Գազայի ապագայի միասնական տեսլական, նախքան արտաքին դերակատարների միջամտությանը։
 
Աղբյուրները հայտնում են, որ արաբ գործընկերները հաշվի են առել Ադրբեջանի հավասարակշռված դիրքորոշումը, որը հիմնված է իսլամական աշխարհի հետ երկարատև կապերի և Պաղեստինի հետ համագործակցության վրա։
 
Դիվանագիտությունն այժմ տեղափոխվում է Նյու Յորք, և քանի դեռ տարածաշրջանը գնում է կայունության փխրուն ճանապարհով, Ադրբեջանը գտնվում է տարածաշրջանային պատասխանատվության և նոր գլոբալ սպասումների խաչմերուկում։