ՀՊ. Ադրբեջանի տնտեսական աճը հասել է վերջին 12 տարիների ամենաբարձր ցուցանիշին

Ադրբեջանի տնտեսությունում ավելացված արժեքը այս տարվա հունվար-ապրիլին կազմել է 39 554,8 մլն մանաթ, ինչը համապատասխանում է նախնական կանխատեսման 45,7%-ին և թարմացված կանխատեսման 34,3%-ին։

Ինչպես հայտնում է Caliber.Az-ը, այս մասին ասված է Հաշվիչ պալատի ներկայցրծ եզրակացության մեջ՝ «2022 թվականի պետական բյուջեի մասին» օրենքում փոփոխություններ կատարելու մասին» օրենքի նախագծի վերաբերյալ։

Երկրի տնտեսությունում ավելացված արժեքի ծավալում նախորդ տարվա համապատասխան ժամանակահատվածի համեմատ արձանագրվել է 7,2 տոկոս տնտեսական աճ։ Այս աճը ամենաբարձրն է վերջին 12 տարվա ընթացքում։ Չնայած, որ տնտեսության անվանական աճը ձևավորվում է հիմնականում նավթային ոլորտներից, իրական արտահայտությամբ աճը, կարելի է ասել, ամբողջությամբ ապահովվում է ոչ նավթային հատվածի հաշվին։ Այսպես, նավթային հատվածի 0,2%-ով աննշան աճի ֆոնին ոչ նավթային հատվածներում նկատվել է 11,4% աճ։