Ձերբակալվել է Ադրբեջանի ՊՆ վարչության նախկին պետը

Նախարարության Բնակարանային և կոմունալ տնտեսության վարչության նախկին պետ Ֆիքրեթ Միրզոևը ձերբակալվել է՝ Պետական անվտանգության ծառայության կողմից հարուցված քրեական գործի շրջանակներում։

Ինչպես հայտնում է Caliber.Az-ը, Ֆ.Միրզոևը մեղադրվում է՝ առանձնապես խոշոր չափերով հափշտակություն կատարելու մեջ, նրան մեղադրանք է առաջադրվել Քրեական օրենսգրքի 179.4 հոդվածով։

Նշենք, որ Ֆիքրեթ Միրզոևը պաշտոնից ազատվել է երկու տարի առաջ։

Հիշեցնենք, որ Պետական անվտանգության ծառայությունը շարունակում է՝ ՊՆ-ում յուրացումների փաստով հարուցված քրեական գործի քննությունը։

Ավելի վաղ ձերբակալվել էին պաշտպանության նախարարության ֆինանսաբյուջետային վարչության պետ, գեներալ-մայոր Նիզամի Մամեդովը և մի շարք պաշտոնատար անձինք։