Ստեղծվել է թյուրքալեզու երկրների միասնական առևտրային հարթակ

Ստեղծվել է թյուրքալեզու երկրների արտադրանքը միավորող միասնական հարթակ՝ Turanecom-ը։

Caliber.Az-ի փոխանցմամբ՝ այս մասին ասել է Ադրբեջանի Ֆրանչայզինգի ասոցիացիայի վարչության նախագահ Ջամիդ Մովսումովը:

Նրա խոսքով՝ այս նախաձեռնությունը նպատակ ունի համախմբել թյուրքական աշխարհի տնտեսական հզորությունը և տեղական ապրանքանիշերի ներուժը՝ իրականացնելով «Made in Turan» հայեցակարգը. «Turanecom հարթակը ներկայացնում է Ադրբեջանի, Թուրքիայի, Ղազախստանի, Ղրղզստանի, Թուրքմենստանի և Ուզբեկստանի ապրանքները և ծառայությունները՝ մեկ ապրանքանիշի ներքո։ Մեր նպատակն է միջազգային շուկաներում առաջ մղել մեր տարածաշրջանում արտադրված որակյալ արտադրանքը, ամրապնդել տնտեսական համագործակցությունը և նպաստել տարածաշրջանային ինտեգրմանը»։

Նա նշել է, որ Turanecom հարթակի առաջին փուլում սկսվել է տեքստիլ ոլորտի արտադրանքի ինտեգրումը. «Այն հիմնական ոլորտներից մեկն է, որն ունի հզոր արտադրական ներուժ։ Ներկայումս հանդիպումներ են անցկացվում տեղական և տարածաշրջանային ձեռնարկատերերի հետ, կան փոխադարձ համագործակցության պայմանավորվածություններ։ Այս համագործակցության արդյունքում նախատեսվում է պայմանագրերի ստորագրում։ Ձեռնարկատերերի արտադրանքի գնահատումից հետո այն պաշտոնապես կներառվի Turanecom հարթակում։