Շվեյցարիայում մեկնարկել է «Ղարաբաղ» քույր դպրոցներ» նախագիծը

Շվեյցարիայում մեկնարկել է ադրբեջանական սփյուռքի աջակցության հիմնադրամի «Ղարաբաղ» քույր դպրոցներ» նախագիծը։

Ինչպես Caliber.Az-ին հայտնել են ԱՀ Սփյուռքի հետ աշխատանքի պետական կոմիտեի մամուլի ծառայությունում, նախագծի շրջանակներում՝ օգոստոսի 7-13-ը օկուպացիայից ազատագրված ադրբեջանական Աղդամ, Շուշա, Լաչին, Ջաբրայիլ, Ֆիզուլի, Զանգիլան քաղաքների դպրոցների աշակերտները Շվեյցարիայում գործող «Ղարաբաղ» կիրակնօրյա դպրոցի սաների հետ միասին տեղավորվել են «Juvenat» ճամբարում։

Նախագծին մասնակցում են 17 աշակերտ և 2 ուսուցիչ Ադրբեջանից, 11 աշակերտ և 2 ուսուցիչ՝ Շվեյցարիայից։ Ճամբարը ղեկավարում է «Շվեյցարիայում ադրբեջանցիների մշակութային կենտրոնի» ղեկավար Գասիմ Նասիրովը։

Ուսանողները կտեղեկացվեն Ղարաբաղի պատմության մասին, կմասնակցեն մշակութալուսավորչական պանելներին, կծանոթանան Բեռնի, Բալենբերգի և այլ քաղաքների տեսարժան վայրերին, կայցելեն խորհրդարան, Շվեյցարիայի տարբեր թանգարաններ և այլն։

Նշենք, որ այս նախագիծը մեկնարկել է անցյալ տարի: Նախագծի շրջանակում Շվեյցարիայում գործող կիրակնօրյա դպրոցի սաները և ներքին տեղահանվածների և նահատակների ընտանիքների երեխաները 2022թ. հուլիսի 18-24-ին եղել են Բաքվի Խազարի շրջանի Շուվալան ավանում տեղակայված «Ջըրթդան» մանկապատանեկան հանգստի կենտրոնում: