Ուկրաինական հետախուզություն. ՌԴ զորքերը Խերսոնի մարզը ականապատում են անցյալ դարի զինամթերքով

Խերսոնի մարզը ականապատելու համար ռուս զինվորականները օկուպացված տարածք են բերել անցյալ դարի 50-ական թվականների զինամթերք։

«Ուկրաինսկա պրավդա»-ի փոխանցմամբ՝ այս մասին հայտնել է Ուկրաինայի պաշտպանության նախարարության հետախուզության գլխավոր վարչության (ՀԳՎ) մամուլի ծառայությունը։

«Փորձելով կանգնեցնել ուկրաինացի զինվորներին՝ ռուս զավթիչները շտապ պաշտպանության լրացուցիչ գծեր են կառուցում, ականապատում են տարածքը և ստեղծում ինժեներական արգելքներ»,- ասվում է ՀԳՎ-ի հայտարարության մեջ։

Ուկրաինական հետախուզության տվյալներով՝ օկուպացված տարածք է ժամանել ռուսական ռազմական բեռնատարների շարասյունը՝ 1950-ականներին արտադրված ականներով։ Զինամթերքը պահվել է Ռոստովի մարզի պահեստներում և պատրաստվել ոչնչացման։ Ռուսական հրամանատարությունը, յուրացնելով ոչնչացման համար նախատեսված միջոցներ, ռազմամթերք ուղարկել է առաջնագիծ։

Այս զինամթերքի վրա ականափակոցներ տեղադրելու փորձի ժամանակ արդեն պայթել են Ռուսաստանի Դաշնության Հարավային ռազմական օկրուգի 49-րդ համակցված զինուժի (09332 զորամաս) 7-րդ ռազմաբազայի գումարտակային-մարտավարական խմբի մի քանի սակրավորներ։ Ռուսաստանի ռազմական ղեկավարությունը դա որակել է որպես դժբախտ պատահար։