Պայթյուն Շիրվանի ռազմական գործարանում Կան տուժածեր /ԹԱՐՄԱՑՎԱԾ

«Շիրվան Արազ գործարան» ԲԲԸ-ում արտադրական վթար է տեղի ունեցել:

Այս մասին հայտնել են Ադրբեջանի Պաշտպանական արդյունաբերության նախարարության մամուլի ծառայությունից՝ ի պատասխան Oxu.Az-ի հարցման։

Նշվում է, որ հունվարի 23-ին գործարանում տեխնոլոգիական գործընթացի ժամանակ տեղի է ունեցել արդյունաբերական վթար։

Միջադեպի հետևանքով գործարանի երկու աշխատակիցները թեթև վնասվածքներ են ստացել։ Առաջին բուժօգնություն ստացած տուժածներն անմիջապես հոսպիտալացվել են։

Բուժում ստացած երկու աշխատակիցներն էլ հայտնել են, որ իրենց լավ են զգում:

16:15

Շիրվանում Ադրբեջանի Պաշտպանական արդյունաբերության նախարարության «Արազ» գործարանում պայթյուն է տեղի ունեցել։

Ինչպես հայտնում է Oxu.Az-ը, միջադեպի արդյունքում կան տուժածներ։

Նշենք, որ միջադեպի մասին առաջին տեղեկությունը տարածել է mətbuat.az-ը։