Ռեկտոր. Ադրբեջանի երիտասարդությունը շարունակում է կատարել հայրենիքի հանդեպ իր պարտքը

Ադրբեջանի բանակն աշխարհի 50 ամենահզոր բանակների շարքում է։

Այս մասին ուրբաթ օրը 44-օրյա պատերազմում Ադրբեջանի հաղթանակին նվիրված գիտագործնական խորհրդաժողովում հայտարարել է Ադրբեջանի ճարտարապետության և շինարարության համալսարանի ռեկտոր Գյուլջոհրա Մամեդովան, հայտնում է Caliber.Az-ը։

Նա նշել է, որ Ղարաբաղյան Երկրորդ պատերազմում Ադրբեջանը կապիտուլյացիայի ենթարկեց Հայաստանին:

Ադրբեջանի երիտասարդությունը խիզախորեն և հերոսաբար կատարեց և շարունակում է կատարել հայրենիքի հանդեպ իր պարտքը՝ պաշտպանելով հարազատ հողերը։

«44-օրյա պատերազմի ընթացքում մեր բանակը հայկական օկուպացիայից ազատագրեց Ֆիզուլին, Հադրութը, Աղդամը, Շուշան և այլ օկուպացված քաղաքներ ու բնակավայրեր։ Այսօր մենք իրականացնում ենք նոր ենթակառուցվածքների վերականգնման և ստեղծման, ինչպես նաև նախկին փախստականների վերաբնակեցման ծրագրեր»,- ասել է ռեկտորը։

Մամեդովան ընդգծել է, որ Հաղթանակի գլխավոր գործոնը ժողովրդի սերտ համախմբումն է Գերագույն գլխավոր հրամանատար, նախագահ Իլհամ Ալիևի շուրջ։