Վիլայաթ Էյվազով. Ադրբեջանում վնասազերծվել է մոտ 25 հազար հանցավոր խմբավորում

02 Հունիսի 2024 16:52

2003-2023 թթ. ընթացքում Ադրբեջանի իրավապահ մարմինները վնասազերծել են շուրջ 25 հազար հանցավոր խմբավորումներ ու բանդաներ։

Ինչպես հաղորդում է Caliber.Az-ը, այս մասին «Ոստիկանության օրվան» նվիրված արարողության ժամանակ ասել է ներքին գործերի նախարար, գեներալ-գնդապետ Վիլայաթ Էյվազովը։

Նրա խոսքով, հաշվետու ժամանակահատվածում ոստիկանության աշխատակիցները քաղաքացիներից առգրավել են ավելի քան 35 հազար միավոր ապօրինի պահվող հրազեն, ինչի հետևանքով անօրինական գործողությունների թիվը զգալիորեն կրճատվել է։

«Միջին հաշվով բացահայտվել է հանցագործությունների 87 տոկոսը, տարբեր մեղադրանքներով հետախուզման մեջ գտնվող ավելի քան 77 հազար մարդ ձերբակալվել է։ Բացի այդ, ապօրինի շրջանառությունից առգրավվել է մոտ 25 տոննա թմրամիջոց»,- ասվում է հաղորդագրությունում։

Caliber.Az

Դիտումներ: 200

Liked the story? Share it on social media!