Փորձագետ Դավթյան. Հայաստանը կվերածեն փորձադաշտի

«Բրյուսելում մեզ ոչ թե կոնֆետ ցույց տվեցին, այլ կոնֆետի թուղթ, որովհետև 4 տարվա կտրվածքով Եվրոպայի և ԱՄՆ-ի տված գումարը Հայաստանում որևէ լուրջ հարց չի կարող լուծել։ Հայաստանի ինքնիշխանությունն ու տարածքային ամբողջականությունը դրվել են վաճառքի։ 270+65 միլիոն եվրո դոլարն այն գումարը չէ, որ դրանով որևէ ենթակառուցվածք զարգացնես։ Պատկերացնելու համար, որպես օրինակ՝ նշեմ, որ այդքան գումար Ռուսաստանը ներդրել է Հարավկովկասյան երկաթուղիների զարգացման մեջ։ Այսինքն՝ Հայաստանի հետաքրքրությունը՝ տնտեսական առումով, Եվրոպայի համար զրոյական է»։

Caliber.Az-ի փոխանցմամբ՝ այս մասին հայկական մամուլին ասել է քաղաքական գիտությունների դոկտոր, պրոֆեսոր, էներգետիկ անվտանգության փորձագետ Վահե Դավթյանը:

«Ինչ վերաբերում է էներգետիկ անվտանգությանը, ԱՊԱ Արևմուտքի որևէ երկիր չունի միջուկային ռեակտորներ ու դրանք շահագործելու փորձ։ Այդպիսի երկու երկիր կա՝ Ռուսաստան և Չինաստան։ Հայաստանը կվերածեն փորձադաշտի, որովհետև մեզ մոդուլային կայաններ են առաջարկում պետություններ, որոնք չունեն դրա փորձը։ Սա ուղիղ ճանապարհ է Հայաստանի ատոմակայանը փակելու։

Փաշինյանի նկատմամբ, իհարկե, անվստահություն կա, որովհետև Եվրոպայում հիմարներ չեն նստած ու շատ լավ հասկանում են, որ Հայաստանը չի կարող ամբողջությամբ գնալ հակառուսականության ճանապարհով։ Եվրոպայում շատ լավ հասկանում են, որ Հայաստանն օրգանապես կախված է Ռուսաստանից, ու ԵԱՏՄ-ից դուրս գալով՝ Հայաստանը կհայտնվի տնտեսական կոլապսի մեջ, դա կստեղծի սոցիալ-քաղաքական ճգնաժամ, ու իրենց ոչ մի ծրագիր չի կարող կյանքի կոչվել», - ասել է Վահե Դավթյանը։