Ադրբեջանական բանակը ոտքի է հանվել «տագնապ» ազդանշանով, նախարարը ժամանել է հրամանատարական կետ Զորավարժությունների ԼՈՒՍԱՆԿԱՐ/ՏԵՍԱՆՅՈՒԹ

2024 թվականի պատրաստության պլանի համաձայն՝ ադրբեջանական բանակում շարունակվում են զորավարժությունները՝ զորամասերի մարտական պատրաստվածության բարձր մակարդակը պահպանելու նպատակով։

Ինչպես Caliber.Az-ին հայտնել են ՊՆ-ից, «Տագնապ» ազդանշանով զորամասերի ստորաբաժանումները լքել են իրենց մշտական տեղակայման վայրը և կենտրոնացել նոր շրջաններում։

ՊՆ ղեկավարությունը հետևել է համազորային ուսումնական կենտրոններում անցկացվող հրամանատարաշտաբային զորավարժությունների ընթացքին։

Հասնելով դաշտում տեղակայված հրամանատարական կետ՝ գեներալ-գնդապետ Զաքիր Հասանովը լսել է հրամանատարների և շտաբի սպաների զեկուցումները:

Նշվել է, որ զորավարժությունների ընթացքում հիմնական շեշտը դրվել է հրամանատարական կազմի օպերատիվ որոշումներ կայացնելու հմտությունների հետագա կատարելագործմանը, շտաբների փոխգործակցության զարգացմանը, ինչպես նաև դժվարին պայմաններում մարտը կառավարելու նրանց կարողությանը:

Պաշտպանության նախարարը դրական է գնահատել զորավարժությունների ընթացքը և պաշտոնատար անձանց տվել համապատասխան ցուցումներ՝ մարտական պատրաստության աշխատանքներն ավելի լավ իրականացնելու համար՝ հաշվի առնելով մարտական ժամանակակից մեթոդները։