Ադրբեջանը մարդասիրական օգնության հերթական խմբաքանակ է ուղարկել Ուկրաինա ԼՈՒՍԱՆԿԱՐ

Ադրբեջանը հերթական մարդասիրական օգնությունն է ուղարկել Ուկրաինա՝ բաղկացած էլեկտրական սարքավորումներից։

Ինչպես Caliber.Az-ին հայտնել են էներգետիկայի նախարարությունից, օգնությունն ուղարկվել է Սումգայիթի տեխնոլոգիական պարկի տարածքից։

Տեղեկատվության համաձայն, մարդասիրական բեռը ներառում է՝ ավելի քան 551 հազար մետր էլեկտրական մալուխներ և լարեր, ինչպես նաև 6 համալիր տրանսֆորմատորային ենթակայան։

Հիշեցնենք, որ այս մարդասիրական օգնության առաջին խմբաքանակները՝ ընդհանուր 7,6 միլիոն դոլարի, ուղարկվել են Ուկրաինա այս տարվա հոկտեմբերի 30-ին և նոյեմբերի 21-ին։ Մոտ ժամանակներում կուղարկվի բեռի հաջորդ մասը։