Ադրբեջանի ԱԳՆ. Հայաստանը կրկին ապացուցեց, որ շարունակում է տարածքային պահանջներ ունենալ

Հայաստանը ևս մեկ անգամ ապացուցեց, որ շարունակում է տարածքային պահանջներ ունենալ:

Ինչպես հայտնում է Caliber.Az-ը, այս մասին X սոցիալական ցանցի (նախկին Twitter) իր էջում գրել է Ադրբեջանի ԱԳՆ մամուլի ծառայության ղեկավար Այխան Հաջիզադեն։

«Էր-Ռիյադում ՅՈՒՆԵՍԿՕ-ի Համաշխարհային ժառանգության կոմիտեի 45-րդ նստաշրջանում Հայաստանը դեմ է արտահայտվել Ադրբեջանի Ազըխ և Թաղլար քարանձավները Համաշխարհային ժառանգության ցանկում ներառելուն։ Սա վկայում է Ադրբեջանի նկատմամբ Հայաստանի շարունակվող տարածքային հավակնությունների մասին»,- նշել է Այխան Հաջիզադեն։