Ադրբեջանն ու Բելառուսը քննարկել են պայմանավորվածությունների կատարման հարցը

Մինսկում կայացել է աշխատանքային հանդիպում՝ Բելառուսի արտաքին գործերի փոխնախարար Իգոր Նազարուկի և Ադրբեջանի դեսպան Մահերրամ Ալիևի միջև։

Այս մասին հայտնում է Report-ը՝ հղում անելով Բելառուսի արտաքին գործերի նախարարության մամուլի ծառայությանը։

Կողմերը հաստատել են բելառուսա-ադրբեջանական համագործակցության ռազմավարական մակարդակը, հանգամանալից քննարկել են՝ երկկողմ փոխգործակցության ողջ շրջանակը և մոտ ապագայում շփումների ժամանակացույցը։

Առանձնահատուկ ուշադրություն է դարձվել՝ 2024 թվականի մայիսին Բելառուսի նախագահ Ալեքսանդր Լուկաշենկոյի Ադրբեջան կատարած պաշտոնական այցի ընթացքում՝ երկու երկրների ղեկավարների միջև ձեռք բերված պայմանավորվածությունների կատարմանը։