Ադրբեջանում մեկնարկել է նախընտրական քարոզարշավը

Այսօր Ադրբեջանում մեկնարկել է նախընտրական քարոզարշավը՝ կապված արտահերթ խորհրդարանական ընտրությունների հետ։

Ինչպես հայտնում է Caliber.Az-ը, գործընթացը կշարունակվի մինչև օգոստոսի 31-ը, ժամը 08:00-ն։

Նախընտրական քարոզչություն կարող է անցկացվել՝ գրանցված թեկնածուների, նրանց լիազոր ներկայացուցիչների և վստահված անձանց, թեկնածուներ գրանցած քաղաքական կուսակցությունների, քաղաքական կուսակցությունների դաշինքների, նրանց լիազոր ներկայացուցիչների և վստահված անձանց կողմից:

Քարոզարշավի համար հանրապետությունում հատկացվել է 3259 բաց տարածք և 1854 փակ տարածք։