Բարձր եմ գնահատում Ձեր դիրքորոշումը Ղարաբաղում ապրող հայերի վերաինտեգրման հարցում Ռոսեն Պլևնելիևը Իլհամ Ալիևին ուղղված նամակում

Բուլղարիայի նախկին նախագահ, Նիզամի Գյանջևիի Միջազգային կենտրոնի հոգաբարձուների խորհրդի անդամ Ռոսեն Պլևնելիևը նամակ է հղել Ադրբեջանի նախագահ Իլհամ Ալիևին։

Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։

Նամակում ասվում է. «Ձերդ Գերազանցություն.

Ինձ համար մեծ պատիվ է շնորհավորել ձեզ՝ Ադրբեջանի ինքնիշխանության և միջազգայնորեն ճանաչված տարածքային ամբողջականության լիարժեք ապահովման գործում ձեռք բերված պատմական ձեռքբերումների կապակցությամբ։

Ես լիովին աջակցում և բարձր եմ գնահատում ձեր դիրքորոշումը՝ Ղարաբաղում բնակվող հայերի վերաինտեգրման գործընթացի, նրանց իրավունքների երաշխավորման, ինչպես նաև Ձեր վերաբերմունքը տարբեր մշակույթների և կրոնական համոզմունքների նկատմամբ: Տարբեր էթնիկ և կրոնական համայնքների միջև խաղաղության համար Ադրբեջանի ցուցաբերած ուշադրությունն ու աջակցությունը հպարտություն է սերմանում։

Պարոն նախագահ, մաղթում եմ Ձեզ հաջողություններ հետագա գործունեության մեջ, հայտնում եմ Ձեզ ամենաբարձր հարգանք ու պատիվ»։