Դեսպան. Պակիստանը մտադիր է ընդլայնել տնտեսական համագործակցությունը Ադրբեջանի հետ

Պակիստանն աջակցում է Ադրբեջանի հետ փոխշահավետ տնտեսական համագործակցությանը և պատրաստ է խորացնել այն։

Ինչպես հաղորդում է Caliber.Az-ը, այս մասին Պակիստանի Ազգային տոնի առթիվ կազմակերպված միջոցառման ժամանակ ասել է Ադրբեջանում այդ երկրի դեսպան Բիլալ Հայեն։

«Վերջին երեք տարիների ընթացքում երկու երկրների միջև առևտրաշրջանառությունն աճել է ավելի քան երկու անգամ։ Այս ուղղությամբ ավելի շատ աշխատանք է անհրաժեշտ՝ համագործակցության ողջ ներուժն օգտագործելու համար»,- ասել է դիվանագետը:

Դեսպանը հիշեցրել է, որ 2023 թվականի հունիսին Պակիստանի վարչապետ Շահբազ Շարիֆն այցելել է Բաքու և ծավալուն քննարկումներ անցկացրել նախագահ Իլհամ Ալիևի հետ։

«Երկու երկրների ղեկավարները պայմանավորվել են ընդլայնել համագործակցությունը շատ բնագավառներում, հատկապես էներգետիկայի, առևտրի, ներդրումների և զբոսաշրջության ոլորտներում»,- հավելել է Հայեն։