ԶԼՄ-ներ. Բրազիլիայում վերծանել են AZAL-ի կործանված ինքնաթիռի սև արկղերը

Բրազիլիայի ռազմաօդային ուժերի ինքնաթիռների վթարների հետաքննության և հաղորդման կենտրոնն ավարտել է՝ Ղազախստանի Ակտաու քաղաքի մոտ կործանված «Ադրբեջանական ավիաուղիներ»-ի (AZAL) ինքնաթիռի թռիչքի ինքնագրիչների (սև արկղերի) վերծանումը։
 
Այս մասին գերատեսչության աղբյուրները հայտնել են բրազիլական G1 պորտալին։
 
«Երկու ինքնագրիչներից տվյալների կորզումը, հավաքագրումն ու ստուգումն ավարտված է»,- ասել են  նրանք։
 
Միաժամանակ, ինչպես նշել է O Globo թերթը, գերատեսչությունն արդեն համապատասխան տեղեկատվություն է ուղարկել Ղազախստանի իշխանություններին։
 
Հիշեցնենք, որ Բաքու-Գրոզնի չվերթն իրականացնող AZAL-ի մարդատար ինքնաթիռը վթարի է ենթարկվել դեկտեմբերի 25-ին՝ Ղազախստանի Ակտաու քաղաքի մոտ։ Ինքնաթիռում գտնվող 67 մարդկանցից 38-ը զոհվել  է, 29-ը ողջ  է մնացել։