Ադրբեջանը և ԵՄ-ն քննարկել են համագործակցության օրակարգը

Ադրբեջանի փոխարտգործնախարար Էլնուր Մամեդովը հանդիպել է՝ Հարավային Կովկասում ԵՄ հատուկ ներկայացուցիչ Մագդալենա Գրոնոյի գլխավորած պատվիրակության հետ։
 
Այս մասին Caliber.Az-ին հայտնել են արտաքին գործերի նախարարությունից։
 
Ըստ տեղեկությունների՝ հանդիպման սկզբում հատուկ ներկայացուցիչ Գրոնոն ցավակցություն է հայտնել՝ AZAL-ի ինքնաթիռի կործանման հետևանքով բազմաթիվ մարդկային զոհերի կապակցությամբ՝ նշելով, որ վթարից անմիջապես հետո Եվրամիությունը հայտնել է՝ ադրբեջանական կողմին օգնություն  ցուցաբերելու իր պատրաստակամությունը։
 
Հանդիպմանը քննարկվել են՝ Ադրբեջանի և Եվրամիության միջև երկկողմ և բազմակողմ համագործակցության օրակարգը, տարածաշրջանային անվտանգության հարցեր, այդ թվում՝ Ադրբեջանի և Հայաստանի միջև հարաբերությունների կարգավորման գործընթացի հեռանկարները։
 
Նշվել է նաև Ադրբեջանի և ԵՄ-ի միջև՝ տնտեսության և առևտրի, էներգետիկայի, տրանսպորտի և կապի ոլորտներում համագործակցության կարևորությունը։ Անդրադառնալով Եվրոպայի էներգետիկ անվտանգության ոլորտում Ադրբեջանի դերին՝ հույս է հայտնվել, որ այդ դերն էլ ավելի կմեծանա Ադրբեջանից Եվրոպա կանաչ էներգիա արտահանելու նախագծերի իրականացմամբ։