Ամին Մամեդովը պատասխանել է Կարասյովին

Եթե ​​Վլադիմիր Կարասյովը կարող էր վիրավորել օտարերկրյա պետության ղեկավարին՝ առանց հաշվի առնելու հետևանքները, ապա կարելի է ենթադրել, որ հեռու չէ այն օրը, երբ նա կարող է հաղորդակցման նմանատիպ ոճ կիրառել Ռուսաստանի ղեկավարության  նկատմամբ։
 
Ինչպես հայտնում է Caliber.Az-ը, այս մասին հայտարարել է՝ Ադրբեջանի էկոլոգիայի և բնական պաշարների նախարարությանը կից հասարակական խորհրդի նախագահ Ամին Մամեդովը՝ մեկնաբանելով Կարասյովի խոսքերը։
 
«Դա տեղի ունեցավ այն բանից հետո, երբ Իլհամ Ալիևը հայտարարեց՝ Գրոզնիի երկնքում ադրբեջանական AZAL ավիաընկերության մարդատար ինքնաթիռի կործանմանը Ռուսաստանի մասնակցության մասին։ Եթե ​​ՌԴ Հանրային պալատը համարում է, որ այս ելույթը համապատասխանում է իր էթիկական չափանիշներին, ապա պարզ է դառնում, թե ինչ մակարդակի վրա է գտնվում այն հիմա»,- նշել է Ա. Մամեդովը։
 
Ցավոք, ժամանակակից Ռուսաստանում ավելի ու ավելի է տարածվում պրակտիկան, որտեղ հասարակական գործիչները և բարձր սոցիալական կարգավիճակ ունեցող մարդիկ իրենց թույլ են տալիս կոպիտ և վիրավորական հռետորաբանություն օգտագործել, շարունակել է նա:
«Նախկինում Ռուսաստանի հասարակական գործիչները բարձր մշակույթի և բարոյական սկզբունքների օրինակ էին հանդիսանում, բայց այսօր, ցավոք, այդ որակները կորել են։ Իսկ մշակութային արժեքներից այնքան հեռու մարդ, ինչպիսին Կարասյովն է, խոսում է AZAL-ի ինքնաթիռի մասին»,- եզրափակել է Ա. Մամեդովը:
 
Նշենք, որ ավելի վաղ ՌԴ Հանրային պալատին կից համակարգող խորհրդի անդամ, քաղաքագետ Վլադիմիր Կարասյովն իրեն թույլ էր տվել՝ վիրավորական հայտարարություններ անել Ադրբեջանի նախագահ Իլհամ Ալիևի հասցեին։