ԵԱՀԿ նախագահը կհանդիպի Ադրբեջանի և Հայաստանի ԱԳՆ ղեկավարների հետ

ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բուջար Օսմանին կհանդիպի՝ Ադրբեջանի և Հայաստանի արտգործնախարարների հետ։

Ինչպես հայտնում է Caliber.Az-ը, այս մասին ԵԱՀԿ նախագահը գրել է X սոցիալական ցանցի իր աքաունթում։

«Այսօր Նյու Յորքում ՄԱԿ-ի Գլխավոր ասամբլեայի 78-րդ նիստի շրջանակներում ես կհանդիպեմ՝ Ադրբեջանի արտաքին գործերի նախարար Ջեյհուն Բայրամովի և Հայաստանի արտաքին գործերի նախարար Արարատ Միրզոյանի հետ և ևս մեկ անգամ կոչ կանեմ՝ շարունակել դիվանագիտական աշխատանքը, շփումներն ու ջանքերը կայուն խաղաղության ուղղությամբ»,- նշել է նախարարը: