Եվլախում ղարաբաղցի հայերի հետ հանդիպումը սկսվել է՝ Ադրբեջանի դրոշի և զինանշանի ներքո ԼՈՒՍԱՆԿԱՐ

Սեպտեմբերի 21-ին Ադրբեջանի Հանրապետության նախագահի աշխատակազմի հրավերով Եվլախ քաղաքում հանդիպում է ընթանում Ադրբեջանի Ղարաբաղի շրջանում բնակվող ծագումով հայ բնակիչների ներկայացուցիչների հետ։

Ինչպես հայտնում է Caliber.Az-ը, հանդիպմանը Ադրբեջանի կենտրոնական կառավարությունը ներկայացնում է Ռամին Մամեդովը, ով նշանակվել է Ադրբեջանի Ղարաբաղի շրջանում բնակվող հայ բնակիչների հետ շփումների պատասխանատու, Ղարաբաղի տնտեսական շրջանի մեջ մտնող ազատագրված տարածքներում (բացառությամբ Շուշայի շրջանի) Ադրբեջանի նախագահի հատուկ ներկայացուցչի տեղակալ Բաշիր Հաջիևը և հատուկ առաքելության աշխատակից Իլքին Սուլթանովը։

Ղարաբաղի հայ բնակիչները ներկայացնում են Սերգեյ Մարտիրոսյանը և Դավիթ Մելքումյանը։ Հանդիպմանը որպես մասնակից միացել է ռուսական խաղաղապահ կոնտինգենտի ներկայացուցիչը։