Հաջորդ տարի Ադրբեջանում կանցկացվեն նաև ՏԻՄ ընտրություններ

Ադրբեջանում 2024 թվականին արտահերթ նախագահական ընտրությունների հետ մեկտեղ կանցկացվեն նաև տեղական ինքնակառավարման մարմինների ընտրություններ։

Ինչպես հաղորդում է Caliber.Az-ը, արտահերթ նախագահական ընտրությունները տեղի կունենան փետրվարին, իսկ դեկտեմբերին սպասվում են տեղական ինքնակառավարման մարմինների ընտրություններ։

Երկրում վերջին ՏԻՄ ընտրությունները կայացել են 2019 թվականի դեկտեմբերի 23-ին։ Տեղական ինքնակառավարման մարմինների լիազորությունների ժամկետը 5 տարի է, այսինքն՝ լրանում է հաջորդ տարվա վերջին։

Համաձայն Ընտրական օրենսգրքի՝ ՏԻՄ ընտրությունները նշանակվում են Կենտրոնական ընտրական հանձնաժողովի կողմից, անցկացման օրվա մասին տեղեկատվությունը հրապարակվում է որոշումն ընդունելուց ոչ ուշ, քան երկու օր հետո։