Հիքմեթ Հաջիևը մի շարք կարևոր հանդիպումներ է անցկացրել ԱՄՆ-ում ԼՈՒՍԱՆԿԱՐ

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը գտնվում է ԱՄՆ-ում։

Ինչպես հաղորդում է Caliber.Az-ը, այցի ընթացքում նախագահի օգնականը հանդիպել է ԱՄՆ պետքարտուղարի քաղաքական հարցերով տեղակալ Ջոն Բասի, Եվրոպայի և Եվրասիայի հարցերով պետքարտուղարի առաջին տեղակալ Յուրի Քիմի, ինչպես նաև ժողովրդավարության, աշխատանքի և մարդու իրավունքների հարցերով օգնական Ռոբերտ Ջիլքրիստի հետ:

Հանդիպմանը քննարկվել են երկկողմ հարաբերությունները, տարածաշրջանային և գլոբալ անվտանգության ոլորտում առկա իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացն ընդգրկող հարցերի լայն շրջանակ։