Հյուպատոսական խորհրդակցություններ Լյուքսեմբուրգի և Ադրբեջանի միջև

Ադրբեջանի և Լյուքսեմբուրգի միջև տեղի են ունեցել հյուպատոսական խորհրդակցություններ։

Caliber.Az-ի փոխանցմամբ՝ այս մասին «X» սոցիալական ցանցի իր էջում գրել է Լյուքսեմբուրգի ԱԳՆ հյուպատոսական գործերի և միջազգային մշակութային կապերի բաժնի տնօրեն Ժան Կլոդ Կուգեները։

«Ուրախ եմ գտնվել Բաքվում՝ Ադրբեջանի արտաքին գործերի նախարարությունում Ադրբեջանի և Լյուքսեմբուրգի միջև երկկողմ հյուպատոսական խորհրդակցություններ անցկացնելու համար»,- գրել է նա։

Ադրբեջանական կողմից խորհրդակցություններին մասնակցել է արտաքին գործերի նախարարության հյուպատոսական վարչության ղեկավար Էմիլ Սաֆարովը։