Պակիստանի դեսպանը հանդիպել է Ադրբեջանի COP29 օպերացիոն ընկերության նախագահի հետ

Ադրբեջանում Պակիստանի նորանշանակ դեսպան Գասիմ Մոհիուդինը հանդիպել է՝ Ադրբեջանի COP29 օպերացիոն ընկերության խորհրդի նախագահ և օպերացիաների գծով գլխավոր գործադիր տնօրեն Նարմին Ջարչալովայի հետ։

Ինչպես հաղորդում է Caliber.Az-ը, այս մասին հայտնել են Պակիստանի դիվանագիտական առաքելության մամուլի ծառայությունում։

«Դեսպան Գասիմ Մոհիուդինը հանդիպել է՝ Ադրբեջանի COP29 օպերացիոն ընկերության նախագահ Նարմին Ջարչալովայի հետ։ Հանդիպմանը քննարկվել են փոխադարձ հետաքրքրություն ներկայացնող հարցեր։ Դեսպանն իր բարեմաղթանքներն է հայտնել COP29-ի հաջող կազմակերպման համար», - ասվում է դեսպանատան սոցիալական ցանցում: