Բաքուն, Մոսկվան և Թեհրանը կհանդիպեն՝ քննարկելու Հյուսիս-Հարավ միջանցքը

Իրանի, Ռուսաստանի և Ադրբեջանի ներկայացուցիչները շուտով կհանդիպեն՝ քննարկելու տարանցման և մաքսային հարցերը, ինչպես նաև Հյուսիս-Հարավ միջանցքը։

Այս մասին հայտարարել է Ադրբեջանում ԻԻՀ դեսպան Սեյիդ Աբաս Մուսավին Իրանի հյուսիսային սահմանային նավահանգիստներից մեկը՝ Աստարա այցելության ժամանակ, որտեղ անցնում է Իրանի և Ադրբեջանի միջև նոր կամուրջը և գտնվում են պահեստներ, փոխանցում է Tasnim-ը։

Նա ընդգծել է այս նախագծերի կարևորությունը։

«Աստարա նավահանգիստը Հյուսիս-Հարավ միջանցքի կարևոր առանցքային կետերից է։ Այդ նախագծերի իրագործմամբ դրա տարածաշրջանային և գլոբալ նշանակությունն էլ ավելի կմեծանա»,- ասել է դիվանագետը։