ՌԾՈՒ հրամանատար. «Ծովի գավաթի» բոլոր կազմակերպչական աշխատանքներն ավարտված են

«Միջազգային բանակային խաղեր 2022»-ի շրջանակներում Ադրբեջանի տարածքային ջրերում՝ Կասպից ծովում, կկազմակերպվի «Ծովի գավաթ» մրցույթը։ Մրցումների բոլոր կազմակերպչական աշխատանքներն ավարտված են»։

Ինչպես հաղորդում է Caliber.Az-ը, այս մասին «Ծովի գավաթ» մրցումներին նախորդող մամուլի ասուլիսում ասել է Ադրբեջանի Ռազմածովային ուժերի հրամանատար, կոնտր-ծովակալ Սուբհան Բեքիրովը։

Նա նշել է, որ մրցույթի բացումը տեղի կունենա օգոստոսի 15-ին։

Բեքիրովի խոսքով՝ մրցույթին կմասնակցի 4 թիմ՝ Ադրբեջանը, Ռուսաստանը, Իրանը և Ղազախստանը. «Մրցումները բաղկացած կլինեն երեք փուլից և վեց դրվագից։ Մեր փորձն ու պրակտիկան թույլ են տալիս այս մրցումները կազմակերպել բարձր մակարդակով։ Մենք դրա համար ունենք բոլոր ենթակառուցվածքները։

Կարծում եմ, որ թիմերի մրցակցության համար կան բոլոր պայմանները։ Հաջողություն եմ մաղթում թիմերին։ Ես հավատում եմ, որ յուրաքանչյուր թիմ բարձր մակարդակով ցույց կտա իր հմտությունները և մեծ հաջողությունների կհասնի»։