Ֆրանսիական կայքը ուշադրություն է դարձրել ադրբեջանցիների խնդրագրին
Caliber.Az-ի թարգմանություն

Քաղաքականություն  14 Նոյեմբերի 2022 - 16:33

Ֆրանսիական Megazap կայքը իր հրապարակման մեջ անդրադարձել է ադրբեջանցիների խնդրագրին՝ ուղղված Սենատին և Ֆրանսիայի ժողովրդին։

«Քաղաքացիական դիվանագիտությունը դեռևս արդիական է ժամանակակից աշխարհում։ Ֆրանսիայի Սենատին ուղղված խնդրագիրը գրավել է շատերի ուշադրությունը։ Այն տեղադրվել է համաֆրանսիական Mesopinions խնդրագրերի կայքում հոկտեմբերի 11-ին և մինչ այժմ հավաքել է ավելի քան 100,000 ստորագրություն: Ստորագրահավաքի հիմնական նպատակը Սենատի քննարկմանն առաջարկված հակաադրբեջանական բանաձևի դեմ բողոքն է։

Ադրբեջանի հասարակ քաղաքացիները, որոնք պաշտոնապես չեն ներկայացնում իշխանությունը, դեռ երբեք չեն դիմել խորհրդարանական մարմիններին և Ֆրանսիայի ժողովրդին։ Մեզ դրան հրեց 2022 թվականի հոկտեմբերի 3-ին Սենատի վեց անդամների կողմից առաջարկված հակաադրբեջանական բանաձևը, որի քննարկումը նախատեսված է նոյեմբերի 15-ին։ Այս փաստաթուղթը պարունակում է մեղադրանքներ մեր երկրի, հետևաբար նաև մեր դեմ, ինչպես նաև կոչ Ֆրանսիայի կառավարությանը և ԵՄ այլ երկրներին՝ պատժամիջոցներ կիրառել ադրբեջանական գազի և նավթի ներկրման դեմ։ Սա բացարձակ միակողմանի և կողմնակալ մոտեցում է հայ-ադրբեջանական հակամարտությանը։ Բանաձևի հեղինակները պաշտպանում են միայն մեկ կողմի՝ հայերի շահերը։ Միաժամանակ նրանք լրիվ անտեսում են դիմացինի զոհերը, տառապանքները, ձգտումները՝ մեղավոր համարելով մեզ՝ ադրբեջանցիներիս։ Մի ազգի նկատմամբ նման նախապատվությունը և մյուսի նկատմամբ խտրականությունը համարվում է էթնիկ անհանդուրժողականության և ռասիզմի հանրային դրսևորում։

Փորձեք հասկանալ, որ հայ-ադրբեջանական հակամարտությունը հակասությունների, տրավմայի և վիրավորանքների շատ ավելի բարդ շղթա է, քան նրանք փորձում են համոզել ձեզ: Շատ կարևոր է, որ Ֆրանսիան ձերբազատվի միակողմանի ընկալումից և ավելի հավասարակշռված դիրք գրավի»,- ադրբեջանցիների խնդրագրի մասին պատմել է ֆրանսիական կայքը։

Հարկ է նշել, որ չնայած Սենատին և Ֆրանսիայի ժողովրդին ուղղված ադրբեջանցիների խնդրագիրը մտել է Mesopinions կայքում երբևէ տեղադրված արտասահմանյան թեմաներով ամենաակտիվ խնդրագրերի հնգյակում, այնուամենայնիվ, ֆրանսիական լրատվամիջոցների մեծ մասն անտեսել է այն, ինչը նաև վկայում է Ֆրանսիական կողմի կողմնակալ մոտեցումն Ադրբեջանին:

Caliber.Az

Դիտումներ: 184