ԱԳԱԱ-ի նախագահ. Իրանում ադրբեջաներեն լեզուն նպատակաուղղված է դուրս մղվում

Իրանում ադրբեջաներեն լեզուն նպատակաուղղված է դուրս մղվում:

Ինչպես հայտնում է Caliber.Az-ը, այս մասին հայտարարել է ԱԳԱԱ-ի նախագահ, ակադեմիկոս Իսա Հաբիբբեյլին։

Նրա խոսքով՝ Իրանը ըստ էության թուրքական պետություն է. «Իրան կոչվող պետությունը հնագույն ժամանակներից կառավարել են ադրբեջանա-թուրքական դինաստիաները՝ Սելջուկները, Խորեզմշահները, Ղազնավիդները, Աթաբեկները, Աղգոյունլուները, Գարագոյունլուները, Թիմուրիդները, Սեֆեվիդները, Աֆշարները, Գաջարները։ Որոշ ժամանակաշրջաններում, հատկապես քսաներորդ դարում, Իրանում իշխանությունը զավթեցին պարսիկ շովինիստները։ Դարեր շարունակ Իրանում հաղորդակցության լեզուն ոչ թե պարսկերենն էր, ինչպես պնդում է ներկայիս վարչակարգը, այլ ադրբեջանա-թուրքականը։ Եվ այժմ էլ Թեհրանում, Մեշհեդում և այլ խոշոր քաղաքներում տարբեր ազգությունների ներկայացուցիչներ խոսում են ադրբեջաներեն լեզվով»։

Ի.Հաբիբբեյլին հիշեցրել է, որ պարսկերենը հաղորդակցության միջոց է սահմանափակ պաշտոնական շրջանակների համար, իսկ ադրբեջաներենը Իրանում ապրող բոլոր ժողովուրդների լեզուն է. «Այդուհանդերձ, ինչպես իրավացիորեն ասել է աշխարհի ադրբեջանցիների առաջնորդ նախագահ Իլհամ Ալիևը, ադրբեջաներենը «մնում է միայն կենցաղային մակարդակի վրա»՝ Իրանի դպրոցներում այն չդասավանդվելու պատճառով»։